அறப்போர் இயக்கம் வெளியிட்ட 'DVAC Files': ஊழல்வாதிகள் மீது நடவடிக்கை எடுக்க கோரிக்கை

 "இதுவரை ஆட்சியாளர்கள் ஊழல்வாதிகளை காப்பாற்றுவதில்தான் கவனம் செலுத்தினார்கள்; தற்போது 'DVAC Files' மூலம் உண்மை வெளிச்சத்திற்கு வரும்" – அறப்போர் இயக்கம் அதிரடி; 10 ஆண்டு கால அதிமுக-திமுக ஆட்சிகளில் நடந்த ஊழல்கள் குறித்து வெளியீடு; TVK அரசு நடவடிக்கை எடுக்குமா?

அறப்போர் இயக்கம் (Arappor Iyakkam) தனது எக்ஸ் (Twitter) பக்கத்தில் 'DVAC Files' என்ற தலைப்பில் ஒரு முக்கிய அறிவிப்பை வெளியிட்டுள்ளது. கடந்த 10 ஆண்டுகால அதிமுக மற்றும் திமுக ஆட்சிகளில் நடந்த ஊழல்கள் குறித்தும், அவற்றில் ஈடுபட்டவர்கள் குறித்தும் ஆதாரங்களுடன் கூடிய புகார்களை தற்போதைய TVK அரசிடம் சமர்ப்பித்துள்ளதாக தெரிவித்துள்ளது.

அறப்போர் இயக்கம் கூறுகையில், "ஊழல்வாதிகள் எந்த கட்சியாக இருந்தாலும் நமக்கு நண்பர்கள் என்பது தான் கடந்த 10 ஆண்டு கால அதிமுக - திமுக ஆட்சிகளின் தாரக மந்திரமாக இருந்து வந்துள்ளது. ஊழல் செய்ய அதிக ஒத்துழைப்பு கொடுக்கும் அதிகாரிகளை இரண்டு ஆட்சிகளிலும் உயர் பொறுப்புகளில் நியமித்து கொள்ளைகளை எல்லை இல்லாமல் அடித்துக் கொண்டிருந்தார்கள்."

தற்போது இந்த இரண்டு ஆட்சியாளர்களும் ஒரே சமயத்தில் அதிகாரத்தை இழந்து தவித்துக் கொண்டு இருக்கிறார்கள். ஒருவர் மாறி ஒருவர் காப்பாற்றிக் கொண்டு இருந்தோமே, இனி நம்மை ஊழல் வழக்குகளில் இருந்து காப்பாற்ற போவது யார் என்ற கவலையில் இருக்கிறார்கள்.

அறப்போர் இயக்கம் கடந்த 10 வருடங்களாக பல்வேறு ஊழல் புகார்களை தகுந்த ஆதாரங்களுடன் வெளியிட்டு ஊழல்வாதிகள் மீது நடவடிக்கை எடுக்க அரசிடம் புகார் அளித்து வருகிறது. நீதிமன்றத்தில் வழக்கு தொடுத்து சட்டப்போராட்டம் நடத்தி வருகிறது. ஆனால் இது வரை ஆட்சியாளர்கள் ஊழல்வாதிகளை காப்பாற்றுவதில் தான் தங்கள் முழு கவனத்தை செலுத்திக் கொண்டு இருந்தார்கள்.

அறப்போர் இயக்கம் இது வரை கொடுத்துள்ள ஊழல் புகார்கள் அனைத்தையும் TVK அரசிடம் ஆதாரங்களுடன் சமர்ப்பித்துள்ளோம். FIR போடப்பட்ட வழக்குகளில் விரைந்து குற்றப்பத்திரிக்கை தாக்கல் செய்யுங்கள். விசாரணை நடத்தப்படாமல் கிடப்பில் இருக்கும் புகார்கள் மீது FIR பதிவு செய்து விசாரிக்க துவங்குங்கள் என்று கோரிக்கை விடுத்துள்ளது.

தற்பொழுது ஏற்பட்டுள்ள ஆட்சி மாற்றம் ஊழல்வாதிகளுக்கு எதிராக சாட்டையை சுழற்றுமா என்பதை காண மக்களுடன் நாங்களும் காத்துக் கொண்டு இருக்கிறோம்.

'அறப்போர் இயக்கம் வெளியிட்டுள்ள 'DVAC Files' என்பது மிக முக்கியமான ஒரு ஆவணமாகும். கடந்த 10 ஆண்டுகளாக அதிமுக மற்றும் திமுக ஆட்சிகளில் நடந்த ஊழல்களின் பட்டியல், அதில் ஈடுபட்ட அதிகாரிகள் மற்றும் அரசியல் தலைவர்களின் பெயர்கள் – இவை அனைத்தும் இந்த கோப்புகளில் இருப்பதாக தெரிகிறது. தற்போதைய TVK அரசு, இந்த கோப்புகளில் உள்ள புகார்கள் மீது உடனடி நடவடிக்கை எடுப்பதன் மூலம், ஊழலுக்கு எதிரான தனது நிலைப்பாட்டை உறுதிப்படுத்த முடியும். இல்லையெனில், இது மற்றொரு 'வெள்ளை அறிக்கை' போல மட்டுமே ஆகிவிடும். மக்கள் எதிர்பார்ப்பு அதிகமாக உள்ளது.' புகார் விவரங்களை பார்க்க -  

X (Twitter): @karuppuTv

Facebook: /karuppuezhutthu

Whatsapp: https://whatsapp.com/channel/0029Vb85Sj9CcW4sZ5D8qf37

#DVACFiles #அறப்போர்இயக்கம் #திமுக #அதிமுக #தவெக #ஊழல் #விசாரணை #கருப்புநியூஸ்

#DVACFiles #ArapporIyakkam #DMK #AIADMK #TVK #Corruption #Investigation #KaruppuNews