ஒரத்தூர் காவல்நிலைய ஆய்வாளர் லட்சுமியின் பணிநீக்கம்: திடீர் அதிரடி!

🔴 பணம் பெற்றுக்கொண்டு சான்று வழங்கிய ஒரத்தூர் காவல் ஆய்வாளர் லட்சுமி நிரந்தர பணிநீக்கம்; போலி CSR பதிவு, லட்சக்கணக்கில் லஞ்சம் – விழுப்புரம் டிஐஜி அதிரடி உத்தரவு!

 “கடலூர் மாவட்டம் ஒரத்தூர் காவல் நிலைய ஆய்வாளர் லட்சுமி; புவனகிரியில் பணியாற்றிய போது, தமிழகம் முழுவதும் இருந்து வந்த புகார்களுக்கு ஆவண சரிபார்ப்பு இன்றி தடையில்லா சான்றிதழ் வழங்கியதாக புகார்; டிஐஜி அருளரசு உத்தரவில் நிரந்தர பணிநீக்கம்; காவல்துறை வட்டாரங்களில் பரபரப்பு!”

கடலூர், ஜூன் 27, 2026– சிதம்பரம் அருகே ஒரத்தூர் காவல் நிலையத்தில் ஆய்வாளராக பணியாற்றி வந்த லட்சுமி, பணம் பெற்றுக்கொண்டு தடையில்லா சான்றிதழ் (CSR) வழங்கியதாக எழுந்த புகாரின் பேரில் நிரந்தரமாக பணி நீக்கம் செய்யப்பட்டுள்ளார். கடந்த ஒரு ஆண்டுக்கு முன்பு புவனகிரி காவல் நிலையத்தில் ஆய்வாளராக பணியாற்றிய போது, தமிழகத்தின் பல்வேறு பகுதிகளில் சொத்து ஆவணங்கள் காணவில்லை என ஆன்லைன் மூலம் வந்த புகார்களுக்கு உரிய ஆவண சரிபார்ப்பு மேற்கொள்ளாமல் தடையில்லா சான்றிதழ் வழங்கியதாக புகார் எழுந்தது . இந்த புகாரின் பேரில் காவல்துறையினர் தனிப்படை அமைத்து விசாரணை மேற்கொண்டனர். விசாரணையில் முறைகேடு நடைபெற்றது உறுதி செய்யப்பட்டது . இதையடுத்து காவல்துறை விழுப்புரம் சரக டிஐஜி அருளரசு நடவடிக்கையின் பேரில், தற்போது ஒரத்தூர் காவல் நிலைய ஆய்வாளராக பணியாற்றும் லட்சுமி நிரந்தரமாக பணி நீக்கம் செய்யப்பட்டுள்ளார் .

கடலூர் மாவட்டம் புவனகிரி காவல் நிலையத்தில் காவல் ஆய்வாளராக பணியாற்றி வந்த லட்சுமி, கடந்த சில மாதங்களாக சென்னை, திருப்பூர், கோவை உள்ளிட்ட மாவட்டங்களைச் சேர்ந்தவர்களுக்கு, கடலூர் மாவட்டத்தில் அவர்களின் சொத்துக்களின் பத்திரம் காணாமல் போனதாக அதிகமாக வழக்குப்பதிவு செய்துள்ளார். இதற்காக பல லட்சம் ரூபாய் பெற்றதாக கடலூர் மாவட்ட காவல் கண்காணிப்பாளர் ஜெயக்குமாருக்கு தகவல் வந்தது .

இதனையடுத்து, காவல்துறை உயர் அதிகாரிகள் ரகசிய விசாரணை மேற்கொண்டனர். அப்போது, சி.எஸ்.ஆர் பெற்ற சம்பந்தப்பட்ட நபர்களிடம் விசாரித்ததில், இது போலியானது மற்றும் உள்நோக்கம் கொண்டது என தெரியவந்தது . இதனையடுத்து கடலூர் மாவட்ட காவல் கண்காணிப்பாளர் ஜெயக்குமார், டிஐஜிக்கு சம்பந்தப்பட்ட ஆய்வாளர் மீது நடவடிக்கை எடுக்க பரிந்துரை செய்தார் .

லட்சுமி மீது இது முதல் முறையல்ல, புகார்கள் எழுந்துள்ளன. கடந்த நவம்பர் 2025-ம் ஆண்டு, போலியாக சி.எஸ்.ஆர் வழங்கிய விவகாரத்தில் அவர் பணியிடை நீக்கம் செய்யப்பட்டிருந்தார் . அப்போதும், கடலூர் மாவட்டத்தில் நில ஆவணங்கள் காணாமல் போனதாக முறைகேடாக CSR பதிவு செய்ததாக புகார் எழுந்தது .

> ‘ஒரு காவல் அதிகாரி, சட்டத்தைக் காப்பவர், அதையே மீறி பணம் பெற்று சான்றிதழ்களை வழங்குவது என்பது மிகக் கடுமையான குற்றம். பொதுமக்களின் நம்பிக்கையை சிதைக்கும் இச்செயல், துறையின் ஒழுக்கத்திற்கே களங்கத்தை ஏற்படுத்துகிறது. லட்சுமியின் பணிநீக்கம் ஒரு நல்ல தொடக்கம். ஆனால், இது ஒரு தனி நபரின் செயலா, அல்லது ஒரு முறையான பிழையா என்பதை கண்டறிய வேண்டும். மேலும், இதுபோன்ற சம்பவங்கள் மீண்டும் நிகழாமல் தடுக்க, அனைத்து காவல் நிலையங்களிலும் திடீர் ஆய்வுகள் மற்றும் கண்காணிப்பு முறைகளை அரசு அமல்படுத்த வேண்டும். தவெக அரசு, ஊழல் ஒழிப்பில் தீவிரம் காட்டுவதாக கூறுகிறது. இந்த நடவடிக்கை அதற்கு ஒரு சான்று. இருப்பினும், மக்களின் நம்பிக்கையை முழுமையாக மீட்டெடுக்க, கடுமையான தண்டனைகளும், வெளிப்படைத்தன்மையும் அவசியம்.

கடலூர் மாவட்டத்தில் கடந்த சில மாதங்களாக காவல்துறையினர் குட்கா போதை பொருட்கள், தடை செய்யப்பட்ட ஆன்லைன் லாட்டரி சீட்டுகளுக்கு விற்பனையை தடுக்க தவறியதால் டிஎஸ்பி, இன்ஸ்பெக்டர், உதவி இன்ஸ்பெக்டர், காவலர்கள் பணி நீக்கம் செய்யப்பட்டுள்ளனர் . இப்போது போலி சி.எஸ்.ஆர் வழங்கியதில் புவனகிரி காவல் ஆய்வாளர் பணி நீக்கம் செய்யப்பட்டது கடலூர் மாவட்ட காவல்துறை வட்டாரத்தில் பரபரப்பை ஏற்படுத்தியுள்ளது .

இந்த நடவடிக்கைகள், தற்போதைய அரசு காவல்துறையில் சீர்திருத்தங்களை கொண்டு வருவதற்கான அடையாளமாக பார்க்கப்படுகிறது.

website : https://news.karuppu.in/

X (Twitter): https://x.com/karuppuTv

Facebook: https://www.facebook.com/karuppuezhutthu

Whatsapp: https://whatsapp.com/channel/0029Vb85Sj9CcW4sZ5D8qf37

#ஒரத்தூர் #காவல்_ஆய்வாளர் #லட்சுமி #பணிநீக்கம் #CSR #போலி_சான்று #கடலூர் #விழுப்புரம்_டிஐஜி #கருப்புநியூஸ் #Orathur #PoliceInspector #Lakshmi #Dismissal #CSR #FakeCertificate #Cuddalore #VillupuramDIG #KaruppuNews