ராமநாதபுரத்தில் கல்வி புரட்சி – கவனத்தை நிலை நிறுத்தும் கலெக்டர்!

ராமநாதபுரம் மாவட்டத்தின் புதிய மாவட்ட ஆட்சியராக (கலெக்டர்) திரு. மா. சிவகுரு பிரபாகரன், இ.ஆ.ப., அவர்கள் ஜூன் 4, 2026 அன்று பொறுப்பேற்றுள்ளார். பொறுப்பேற்ற உடனேயே, கல்வியில் கவனம் செலுத்தும் வகையில் அதிரடி உத்தரவுகளை பிறப்பித்துள்ளார். மாவட்டத்தில் அனைவரும் படிக்க வேண்டும் என்றும், யாரும் கல்வியை இடையில் நிறுத்தக்கூடாது என்றும் அவர் மாவட்ட அதிகாரிகளுக்கு உத்தரவிட்டுள்ளார். மேலும், வங்கி மேலாளர்களை அழைத்து, யாருக்கும் கல்விக்கான கடனை நிராகரிக்கக் கூடாது என்றும் உத்தரவிட்டுள்ளார்.

கல்வி கடன் பெற இயலாத மாணவர்கள் மாவட்ட ஆட்சியரை நேரில் சந்தித்து மனு அளித்தால், உடனடியாக சம்பந்தப்பட்ட வங்கியை அழைத்து கடனை உடனடியாக வழங்க வைக்கிறாராம். இந்த நடவடிக்கை, மாவட்டத்தில் ஏராளமான மாணவர்களின் கல்வி கனவுகளை நிறைவேற்ற உதவும்.

தஞ்சாவூர் மாவட்டம் பட்டுக்கோட்டை தாலுகா மேல ஒட்டங்காடு கிராமத்தைச் சேர்ந்த சிவகுரு பிரபாகரன், குடும்ப வறுமையையும் பல தடைகளையும் தாண்டி, விடாமுயற்சியால் ஐ.ஏ.எஸ் தேர்வில் வெற்றி பெற்றுள்ளார். ஒரு கட்டத்தில் அவரது குடும்பம் கஷ்டப்பட்டது. அவரது தாயும், சகோதரியும் குடும்பத்திற்காக கடினமாக உழைத்தனர். அதனால் சிவகுருவும் குடும்ப பொறுப்பை ஏற்றுக்கொண்டார்.

ஐ.ஏ.எஸ் ஆக வேண்டும் என்ற கனவை அவர் விடவில்லை. சிவகுரு பிரபாகரன் ஒரு மர ஆலை இயக்குநராக வேலை செய்தார். இதன் மூலம் குடும்பத்திற்கு பணம் சம்பாதித்து கொடுத்தார். அதே நேரத்தில், ஐ.ஏ.எஸ் ஆக வேண்டும் என்ற கனவை அவர் விடவில்லை. சகோதரிக்கு திருமணம் முடிந்த பிறகு, தனது கனவை நோக்கி பயணிக்க ஆரம்பித்தார்.

வேலூரில் உள்ள தந்தை பெரியார் அரசு தொழில்நுட்ப கல்லூரியில் சிவில் இன்ஜினியரிங் படித்தார். தனது சகோதரனின் கல்விக்கும் உதவி செய்தார். பிறகு, சென்னை ஐ.ஐ.டியில் எம்.டெக் படித்தார். அதன் பிறகு UPSC தேர்வுக்கு தயாரானார். 3 முறை முயற்சி செய்தும் அவரால் வெற்றி பெற முடியவில்லை. ஆனால் அதை அவர் கைவிடவில்லை. தொடர்ந்து நான்காவது முயற்சியிலேயே AIR 101 உடன் தேர்வில் தேர்ச்சி பெற்றார். 2018-ம் ஆண்டு நடந்த ஐ.ஏ.எஸ் தேர்வு முடிவுகளில் தமிழகத்தில் மூன்றாம் இடம் பிடித்து சாதனை படைத்தார்.

கடந்த ஆண்டு அக்டோபர் மாதம் கோவை மாநகராட்சியின் புதிய ஆணையாளராக பதவி ஏற்று கொண்டார். அதற்கு முன்பாக சென்னை மாநகராட்சியில் இரண்டு வருடங்களுக்கு மேல் பணியாற்றி வந்தார். அங்கு பாதாளச்சாக்கடை, சாலைகள், மருத்துவம், பள்ளி உள்ளிட்ட பல்வேறு பணிகள் மேற்கொண்டு மக்களின் பாராட்டை பெற்றவர். மேலும், நெல்லை மாவட்டத்தின் சார் ஆட்சியராகவும் பணிபுரிந்தார். மூன்று ஆண்டுகளாக சிவில் இன்ஜினியராக பணியாற்றிய அனுபவமும் அவருக்கு உள்ளது.

இவர் ஒரு பறவைகள் பிரியரும் கூட. கோடை காலத்தில் பறவைகளுக்கு நீர் மற்றும் உணவுகளை வைக்க எண்ணெய் டின்னில் ஒரு முயற்சியாக செய்தார். இதனை பலரும் பாராட்டினர்.

‘மாவட்ட ஆட்சியர் மா. சிவகுரு பிரபாகரன் அவர்களின் வாழ்க்கை வரலாறு, இன்றைய இளைஞர்களுக்கு ஒரு பாடமாக அமைந்துள்ளது. குடும்ப வறுமை, தோல்விகள் என பல தடைகளைத் தாண்டி, விடாமுயற்சியால் ஐஏஎஸ் ஆன இவர், தனது பதவியின் முதல் நாளிலேயே கல்வியில் கவனம் செலுத்துவது, அவரது தொலைநோக்கு பார்வையை காட்டுகிறது. கல்வி கடன் பெற முடியாத மாணவர்களுக்கு நேரடியாக உதவும் இந்த முயற்சி, பல ஏழை குடும்பங்களின் வாழ்க்கையில் மாற்றத்தை ஏற்படுத்தும். இதுபோன்ற நேர்மையான மற்றும் அக்கறையுள்ள அதிகாரிகள், அரசு இயந்திரத்தின் மீதான மக்களின் நம்பிக்கையை மீட்டெடுப்பார்கள். கருப்பு எழுத்துக் கழகம் இந்த முயற்சியை மனதார பாராட்டுகிறது மற்றும் மற்ற மாவட்ட ஆட்சியர்களும் இதை பின்பற்ற வேண்டும் என்று வலியுறுத்துகிறது.’

X (Twitter): @karuppuTv

Facebook: /karuppuezhutthu

Whatsapp: https://whatsapp.com/channel/0029Vb85Sj9CcW4sZ5D8qf37

#ராமநாதபுரம் #கலெக்டர் #கல்வி #கல்விகடன் #மாணவர்கள் #மாசிவகுருபிரபாகரன் #IAS #வாழ்க்கைபோராட்டம் #கருப்புநியூஸ் #Ramanathapuram #Collector #Education #EducationLoan #Students #MASivaguruPrabhakaran #IAS #LifeStruggle #KaruppuNews